Дзень роднай мовы
21.02.2022Дзень роднай мовы ў Дзяржаўнай установе адукацыі “Сярэдняя школа № 2 г. Старыя Дарогі” пачаўся з віншавання да Дня роднай мовы і з размовы ўсіх удзельнікаў адукацыйнага працэсу на роднай мове. У паветры адчуваўся добры настрой: гучала наша мілагучная родная мова. Былі арганізаваны выставы работнікаў бібліятэкі “Да роднай мовы крок зрабі”, настаўнікаў беларускай мовы і літаратуры “У свеце роднай мовы” і настаўнікаў пачатковых класаў “Маё роднае слова, як ты мне міла…”, вучні з задавальненнем разгадвалі рэбусы, чыталі вершы і выказванні беларускіх пісьменнікаў аб роднай мове.
Вучні на працягу дня захапляліся праглядам мультыплікацыйных фільмаў па творах беларускіх аўтараў, першакласнікі разгадвалі цікавую віктарыну “Скарбы роднай мовы” і прымалі ўдзел у конкурсе загадак “Прырода роднага краю”, для другакласнікаў быў арганізаваны карагод беларускіх гульняў, а таксама гульня “Гаворым па- беларуску”.
Для вучняў 3-4 класаў праведзены конкурс чытача “Чароўны куфэрак”, дзе вучні з асаблівым надхненнем чыталі свае вершы на беларускай мове, таксама вершы беларускіх пісьменнікаў.
У 5-х класах настаўнікам разам з вучнямі педагагічнага класа арганізавана віктарына “Размаўляй са мной па-беларуску”, дзе вучні таксама паказалі выдатнае валоданне беларускай мовай.