За што я люблю родную зямлю
21.09.2022У рамках тыдня беларускай мовы у 2 "Б " класе было праведзена выхаваўчае мерапрыемства "Скарбы роднага краю". Рабяты ўзнавілі веды пра гісторыю і фальклорныя традыцыі беларускага народа, прынялі удзел у развучванне беларускіх народных гульняў, удакладнілі веды пра прыроду роднага краю.
У 4 “Б” класе у рамках тыдня роднай мовы вучні прымалі ўдзел у віктарыне знаўцаў беларускай мовы “Беларуская скарбонка”. Яны з задавальненнем разгадвалі рэбусы, чыталі вершы і выказванні беларускіх пісьменнікаў аб роднай мове, складалі прыказкі са слоў, разгадвалі беларускія загадкі і перакладалі словы з рускай мовы на беларускую.
Сярод удзельнікаў гуртка “Квант” прайшла інтэлектуальна-пазнавальная гульня “Мая родная мова”. Былі створаны 2 каманды: “Сонейка” і “Вясёлка”. Кожная з іх па чарзе выбірала намінацыю з прапанаванай у табліцы “Гульнёвае поле” і пытанне з пазначанай колькасцю балаў. На працягу гульні вучні праяўлялі актыўнасць, цікавасць да заданняў, паказалі сваю эрудыцыю, пазналі штосьці новае, стараліся працаваць у камандзе. Гучала прыгожае беларускае слова, панавала спакойная творчая атмасфера.
“Гульні выконваюць важную ролю як сродак фізічнага, эстэтычнага, i інтэлектуальнага выхавання дзяцей”– лічаць настаўнікі 3 класаў. Нездарма гульневы фальклор з’яўляецца надзейным захавальнікам роднай мовы, а засваенне яе ў працэсе гульні – самы хуткі і цікавы для дзяцей шлях.
У 6 "Б" класе прайшло пазакласнае мерапрыемства "Конкурс чытальнікаў "Гучы, мая родная мова"". Вучні падрыхтавалі вершы на беларускай мове, было абрана журы. У час правядзення конкурсу праводзіліся займальныя хвілінкі. Спаборніцтвы былі гарачымі. Гучала прыгожае роднае слова. Пасля журы падвяло вынікі конкурсу. Усе былі задаволены мерапрыемствам.
З вялікай цікавасцю вучні 3”Б” класса прянялі ўдзел у інтэлектуальнай гульне “Моўныя скарбы роднага краю”, мэтай якой былі развіцце інтэлектуальнага патэнцыялу навучэнцаў і развіцце іх творчых здольнасцей, выхаванне любові і павагі да роднага слова. Дзеці адгадвалі загадкі, складалі прыказкі, успаміналі беларускія народныя казкі.